10.07.2022 சேலம் இளையோர் மேம்பாட்டு பயிற்சி மையம் மூலம் இளையோருக்கு போலீஸ் பணி தேர்வு அறிமுக பயிற்சி நடத்தப்பட்டது. இந்நிகழ்வில் Rev.Dr. கஸ்மீர் ராஜ், இயக்குநர், தொன் போஸ்கோ அன்பு இல்லம் அவர்கள் அனைவரையும் வரவேற்று இப்பயிற்சியின் நோக்கம் பற்றி எடுத்துரைத்தார். இப்பயிற்சியை சிறப்பு விருந்தினர் காவல் துணை கண்காணிப்பாளர் (ஊரகம்) திருமதி.தையல்நாயகி அவர்கள் துவங்கிவைத்து இளையோர்கள் விடா முயற்சியுடன், தேர்வுக்கு தயார் படுத்தவேண்டும் என்று எடுத்துரைத்தார். திரு. ஸ்டீபன் பால்ராஜ், அஸ்தம்பட்டி காவல் ஆய்வாளர் தேர்வுக்கான தயாரிப்பு பற்றி எடுத்துரைத்தார். திரு.ப்ரிதிவிராஜன், பயிற்சியாளர் தமிழ்நாடு காவல்துறை அவர்கள், காவல்துறை பணிகளுக்கான தேர்வில் மேற்கொள்ளுவது பற்றி விளக்கிகூறினார். திரு.வளன், இயக்குனர் ராய் அகாடமி, இளையோர் அனைவரும் திறமை மிக்கவர்கள், தன்னம்பிக்கையுடன் பயிற்சியை மேற்கொள்ள வேண்டும் என்று கூறினார். இதில் இளையோர் மற்றும் நமது அன்பு இல்ல மாணவர்கள் கலந்து கொண்டனர். இந்த பயிற்சிக்கான ஏற்பாட்டினை தொன் போஸ்கோ அன்பு இல்லம் மற்றும் குழந்தை நேய திட்டம் இணைந்து ஏற்பாடு செய்தது.